கவிதை 42 : வெட்கப்படு தமிழா!

கவிதை 42 : வெட்கப்படு தமிழா!

வெட்கப்படு தமிழா!
வெட்கப்படு!
நீயும் இத்தமிழன் என்றால்
வெட்கப்படு!

மலிவு விலையில் அரிசி கொடுத்து
மளிகை விலையை உயர்த்தி வைத்து
அனுதினமும் உன்னை
மூடனாய் ஆக்கிடினும்
அறியனையில் நீயே
ஏற்றிட செய்வாயே!

கட்சிக்கொரு கொள்கை!
கூட்டணிக்கொரு கொள்கை!
தனக்கொரு கொள்கை!

கொள்கை ஏதுமின்றி
அவன் வாழ்ந்திடினும்
அறியனையில் நீயே
ஏற்றிட செய்வாயே!

ஜாதி ஒழிப்பேன் என்பான்!
சமத்துவபுரம் திறப்பேன் என்பான்!
திறந்த பின்பு

சிலைகள் வைத்து நிற்பான்
ஓர் நாள் இல்லை ஓர் நாள்
சிலைகள் வைத்து வைத்து
மனிதன் சிலையாய் ஆகிடினும்
அறியனையில் நீயே
ஏற்றிட செய்வாயே!

ஈழத்தில் குண்டு சப்தங்கள்
ஒலித்திடினும்
ஈழத்தில் பிஞ்சு குழந்தைகள்
கதறிடினும்
ஈழத்தில் பெண்களின் மானங்கள்
போயிடினும்
ஈழத்தில் மொத்தமாய் தமிழனை
கொன்றிடினும்

அத்தனைக்கும் துணை நின்று

எத்தனை எத்தனை துன்பங்கள்
தமிழனுக்கு அவன் தந்திடினும்

அறியனையில் நீயே
ஏற்றிட செய்வாயே!

இங்கே தமிழன் என்று நீ
சொல்வதென்றால்

வெட்கப்படு தமிழா!
வெட்கப்படு!

கவிதை 33. ராணுவ வீரனே முதல் குடிமகன் :

33 . ராணுவ வீரனே முதல் குடிமகன் : (ஓர் ரயில் பயணத்தின் போது ராணுவ வீரர் ஒருவர் என்னோடு பகிர்ந்து கொண்டதை இங்கே கவிதை வடிவில் கொடுத்து இருக்கிறேன்.இது ஒரு உண்மை பதிவு )

எட்டாத உயரமெல்லாம்
எட்டிச் சென்றாய்
குளிர் தொட்டாலும்
நீயே தான்
தொடர்ந்து சென்றாய்

மலை உனை தொட்டாலும்
வெயில் உனை சுட்டாலும்
உயிர் உனை விட்டாலும்

உன் எண்ணம் எல்லாம்
ஒன்றிலே வைத்தே சென்றாய்

இரக்கமில்லா எதிரிகள் ஒரு புறம்
உறக்கமில்லா இரவுகள் மறுபுறம்

குண்டு சப்தத்தின்
ஒலிகள் மட்டும்
அங்கே ஓயாது

ஓயாத சப்தத்தின் நடுவிலே
உயிர் நீத்தது
எதிரியின் உயிர் மட்டுமின்றி
உன்
தோழனின் உயிருமாகும்

இவ்வுண்மை காலங்களால்
சில நேரம் பல பேர்
அறிய முடியாதது
இருந்தும்
அது குற்றமில்லை

நாலு புறமும் எதிரிகள்
சூழ்கையில்
அதை வென்றிட

நாலுபுறமும் ராணுவம்
சூழ்கையில்

எந்தப் பக்கம் எதிரிகள்
எந்தப் பக்கம் ராணுவம்

ஏதுமறியாது தனியாய்
நீ முன்னேறுகையில்

சப்தமில்லா அந்நொடியில்
புதர் நடுவே
மெல்லிய உரசல்கள்
---அது மனித ஊட்டம்
---மனசை சலனப்படுத்துது

எதிரியென நினைத்து
சுட்டுப் பார்க்கையில்
உயிர் நீத்தது
எதிரியல்ல
உயிர் தோழன்
என்கையில்

அந்நிமிடம் நீ
துடிக்கும் துடிப்புகள்
யார் அறிவார் தோழா?.

இருந்தும் முன்னேறுவாய்
எதிரிகளை பந்தாடுவாய்

உன் போல்
சுயநலமில்லா நாட்டுப்பற்று
வேறு எங்கு காண?

யார் யாரோ நாட்டின்
முதல் குடிமகன் என்கிறார்கள்
என்னை கேட்டால்
தோழா
நீயே பாரத நாட்டின்
முதல் குடிமகன்
நீயே இந்நாட்டின்
சுயநலமில்லா பாதுகாவலன்

வாழ்க உன் புகழ்
வளர்க உன் குலம்

ஜெய் ஹிந்த் .....

my kavithai 14 : ( 14 . வாழ்ந்து பார் வாழ்க்கை புரியுமே ?)

14 . வாழ்ந்து பார் வாழ்க்கை புரியுமே ? :

இம்மண்ணுக்காக நீ
வீழ்வதாக இருந்தால்
இம்மண்ணின்
ஒவ்வோர் மைந்தனும்
கண்ணீர் சிந்துவானே - உனக்காக

அதுவில்லாமல்

ஓர் பொண்ணுக்காக நீ
வீழ்வதாக இருந்தால்
இம்மண்ணின்
கடைசி ஜீவனும் கூட
ஓர் துளி கண்ணீர் சிந்தலாகாது

தண்ணீரை நிலைநிறுத்த
அணைக்கட்டை கட்டினான்
உன்
கண்ணீரை நீ நிலை நிறுத்த
மனமென்பதை கட்டு

ரசிகன் என்று நீ இருக்கையில்
நடிகன் என்பவன்
நடித்துக்கொண்டே தான் இருப்பான்
சினிமாவில் மட்டுமல்ல
நிஜத்திலும் தான்

கடல் அலையை தூரத்தில்
நின்று ரசித்து செல்லலாம்
இல்லை
நான் கடலில் இறங்கியே
ரசிப்பேன் என்றால்
மூச்சடைத்து விடுவாய் நண்பனே

தொண்டன் என்று நீ இருக்கையில்
அரசியல் செய்பவன்
அடித்துக்கொண்டே தான் இருப்பான்
நாட்டை மட்டுமல்ல
உன் வீட்டையும் தான்

நீ தீக்குளித்து மேலே
செல்வாய்
அவன்
நீ குளிக்க மேலே
உயர்வான்

எதை விதைக்கிறாயோ
அதுவே
மரமாக வளரும்
விதைப்பதை தவறாக விதைத்து விட்டு
பலனை மட்டும் எதிர்பார்க்கிறாயே

மாண்டு போவதால்
உன் வாழ்க்கையை
மீட்டு விடுவாயா
வாழ்ந்து பார்
வாழ்க்கை புரியும்
நீயாக நீ இருக்கையில்
மாண்டே போ
உனக்காக பலர் இருக்கையில்
மாண்டும் மீண்டும் இருப்பாய்