கவிதை 43 : தனிமை! புதுமை! (கவிதையாய் ஒரு பாடல் )

கவிதை 43 : தனிமை! புதுமை! (கவிதையாய் ஒரு பாடல் )

தனிமை! புதுமை!
தனிமை! இனிமை!
தனிமை வருகையில்
புதுமை பிறக்குமே
இனிமை!
தனிமை! புதுமை!

(தனிமை! புதுமை!....)

ஞானம் வருகையில்
தனிமை பிறக்குமே
இனிமை!

சோகம் வருகையில்
தனிமை பிறக்குமே
புதுமை!

தனிமை! புதுமை!

(தனிமை! புதுமை!...)

தூக்கம் வருகையில்
தனிமை பிறக்குமே
இனிமை!

மரணம் வருகையில்
தனிமை பிறக்குமே
புதுமை!

தனிமை! புதுமை!

(தனிமை புதுமை..)

பொருள் : ஞானம் வருகையில் வரும் தனிமை இனிமையானது.சோகம் வருகையில் வரும் தனிமை புதுமையானது.தூக்கம் வருகையில் வரும் தனிமை இனிமையானது.மரணம் வருகையில் வரும் தனிமை புதுமையானது.தனிமையில் சில எண்ணங்களின் வெளிப்பாடே இக்கவிதை.இதுவே பொருளாகும்...

கவிதை 35 . படைத்தவன் இருப்பது நிஜமன்றோ! :

35 . படைப்புகள் இருப்பது நிஜமெனில் படைத்தவன் இருப்பது நிஜமன்றோ! : ( கவிதையாய் ஒரு பாடல்)

யாரோ ஒருவன் ஆட்டி வைக்கிறான்
ஆட்டம் முடிந்ததும் உணர வைக்கிறான்
ஓர் புள்ளியில் தொடங்கி
ஓர் வட்டமடிக்கிறோம்
வட்டம் முடிவிலே வாழ்க்கை
அறிய வைக்கிறான்.

(யாரோ ஒருவன்....)

முதன் முதல் உலகை பார்த்ததும்
அடடா அவனே அழுகிறான்
அவன் அழுகை குரலை கேட்டதும்
மனிதன் இங்கே சிரிக்கிறான்

இறுதியில்
வாழ்வின் இறுதியில்
அவனே இங்கே சிரிக்கிறான்
அடடா மனிதன் அழுகிறான்

மாற்றமே!மனிதன் வாழ்க்கையே!
இதை புரிந்து நீ
வாழ்வில் உயரு நீ

(யாரோ ஒருவன்....)

உடலின் உள்ளே உயிருமுள்ளது
அதை கண்ணால் காண
எங்கு செல்வது?.

விதையின் உள்ளே மரமுமுள்ளது
அதை கண்ணால் காண
எங்கு செல்வது?.

இருந்தும் நாம்
கண்ணால் கண்டு கொள்கிறோம்
காட்சி கண்ட பின்
உணர்வை அறிந்து நிற்கிறோம்

உழைத்தால் உயர்வு புரியுமே
உணர்ந்தால் காட்சி தெரியுமே

படைப்புகள் இருப்பது நிஜமெனில்
படைத்தவன் இருப்பதும் நிஜமன்றோ?.
(யாரோ ஒருவன்....)

My kavithai 27 (27 . நம்பிக்கை விதைகள் ) - (கவிதையாய் ஒரு பாடல் ) :

27 th Kavithai : நம்பிக்கை விதைகள் (1st page) - (கவிதையாய் ஒரு பாடல் ) :

வாழ்ந்திடலாம் வாழ்ந்திடலாம்
நண்பா வாழ்ந்திடலாம்
பூமியிலே பல பாதையுண்டு
நாமும் வாழ்ந்திடலாம்

(வாழ்ந்திடலாம் ....)

உன் பார்வை கடந்து வந்து பார்த்தால்
அங்கும் பாதையுண்டு
உன் இரவை கடந்து வந்து பார்த்தால்
அங்கும் பகலுமுண்டு
நீ மழையை கடந்து வந்து பார்த்தால்
அங்கும் வெயிலுமுண்டு
நீ துயரை கடந்து வந்து பார்த்தால்
அங்கும் வெற்றியுண்டு

நம்பிக்கை அது வேண்டுமடா
நம்பினால் வாழ்க்கை உண்டுமடா

(வாழ்ந்திடலாம் ...)

தொலைந்து போன வாழ்வை
நினைத்து பயணம் செய்தாலே
மழைத்துளிகள் கூட
மிரட்சியாகும் - மிரண்டு விடாதே

தொலைவில் தெரியும் வாழ்வை
தேடி பயணம் செய்தாலே
வானம் கூட
வாசலாகும் - வருத்தப்படாதே

தோல்வியில்லா மனிதனை
காட்டு
காயமில்லா மனிதனை
காட்டு
வெற்றி மட்டும் வாழ்க்கை
என்றால்
ஜனனம் என்ன அர்த்தம்
சொல்லு

(வாழ்ந்திடலாம் ...)

வானம் போல உள்ளம் வைத்தால்
மேகம் போல தோல்வி எல்லாம்
காற்றடித்தால்
கலைந்தே போகும்

மூன்றாம் "கை"யை நீயும்
இழந்தால்
உன் நம்பிக்"கை"யை நீயும்
இழந்தால்
உண்மையான தோல்வி
அது தான்
தெரிந்து கொள் நண்பா நண்பா

நம்பிக்கை அது வேண்டுமடா
நம்பினால் வாழ்க்கை உண்டுமடா

(வாழ்ந்திடலாம் ....)

My kavithai and பாடல் 9( 9. மனமுடைந்த துளி எதுவோ ? : (துளி என்று முடியும் படி கவிதையாய் ஒரு பாடல் )

9. மனமுடைந்த துளி எதுவோ ? : (துளி என்று முடியும் படி கவிதையாய் ஒரு பாடல் )

துளி துளி துளி துளி
ஓர் துளி மழைத்துளி

கடலில் காண்பது பலத்துளி
கண்ணில் பாயுது நீர்த்துளி
(துளி துளி )

மண்ணில் பிறந்ததும் ஓர் துளி
கண்ணில் வந்தது நீர்த்துளி

உலகைப் பார்த்தும் ஓர் துளி
சிரித்தேன் வந்தது நீர்த்துளி
(துளி துளி )

உறவை அறிந்ததும் ஓர் துளி
உண்மை கண்டதால் நீர்த்துளி

வாழ்வில் உள்ளது பலத்துளி
உறவும் அதிலே நீர்த்துளி
(துளி துளி)
நட்பை கண்டதும் ஓர் துளி
நிஜமாய் வந்தது நீர்த்துளி

வாழ்வில் அழகாய் ஓர் துளி
இதுபோல் உண்டா நீர்த்துளி
(துளி துளி )

காதலை கண்டதும் ஓர் துளி
மனசும் உடைந்ததால் நீர்த்துளி

ஆனந்தம் வந்தால் ஓர் துளி
அழுகை வந்தால் இத்துளி
(துளி துளி )

My first lyrics and கவிதை 1 (கல்லை மட்டும் கண்டால் பாடலின் வேறு வரிகள்)

கல்லை மட்டும் கண்டால் பாடலின் வேறு வரிகள்(என்னோட முதல் முயற்சி- தவறு இருந்தால் மன்னிக்கவும்)

மனமே ஒன்றானால்
உடனே சேர்த்துக்கொள்
மனமே வேறானால்
உடனே விட்டுச்செல்.
(மனமே ஒன்றானால்)
காதல் என்ற சொல்
மட்டும் தானே
வாழ்க்கை இல்லை என்று தெரியாதா

எங்கும் எதிலுமே
காதல் என்றால்
வாழ்க்கை என்பது புரியாதா

காதல் மட்டும் கண்டால்
காதல் நிலைப்பதில்லை
நேசம் எங்கும் கண்டால்
காதல் அழிவதில்லை
(மனமே ஒன்றானால்)
இன்பம் என்று சொன்ன பின்பும்
இன்பம் வராது
துன்பம் என்று சொன்ன பின்பும்
துன்பம் வராது

மூட நம்பிக்கை உள்ளவர் முன்னால்
எங்கள்
வீர நம்பிக்கை தோற்காது

மேகம் கலைந்து போனால் கூட
வானம் என்றுமே கலையாது

நாட்டில் உண்டு ஆயிரம்
ஜீவ ஜீவன் தான்
அந்த ஜீவனுக்கு ஜீவன்
அந்த இறைவன் ஒருவன் தான்
(மனமே ஒன்றானால்)
பொய்கள் என்றும் கூறினாலும்
உண்மை சாகாது
உண்மையான காதல் மட்டும்
என்றும் சாகாது

நாட்டில் பல பல
காதல் அழிந்தால் கூட
உண்மை காதல் தான்
அழிந்திடுமா

நட்பு என்றால் வாழ்வில்
நன்மை மட்டும் தான்
அந்த நட்பு மட்டும் தானே
எதுவும் எதிர்பார்த்திடுமா

காதல் என்று பார்த்தால்
வாழ்கை தெரியாது
வாழ்க்கை என்று பார்த்தால்
காதலும் கிடையாது
(மனமே ஒன்றானால்)