31 . உணர்வுகள் தான் மனிதனே :
வாழ்வில்
பெற்றவர் எல்லாம் தாயுமல்ல
வார்த்தை அம்புகளால்
உள்ளத்தை வதைத்து
நெஞ்சை உடைக்க
நினைப்பவர் எல்லாம்
இங்கே பெண்ணுமல்ல
முதலில்
உணர்வை புரிந்து கொள்ள முன் வரட்டும்
உயிரை நேசிக்க இங்கே முன் வரட்டும்
பின் பெண்ணெனலாம்
பின் தாயுமெனலாம்
வாழ்வில்
வளர்த்தவர் எல்லாம் தந்தையுமல்ல
அன்பை விதைக்காமல்
அதிகாரத்தை விதைத்து
தன்வசம் வைக்க
நினைப்பவர் எல்லாம்
இங்கே ஆணுமல்ல
முதலில்
நட்புடன் பழக முன் வரட்டும்
நம்பிக்கை ஊட்ட முன் வரட்டும்
பின் ஆணெனலாம்
பின் தந்தையுமெனலாம்
வாழ்வில்
நம்மோடு இருப்பவரெல்லாம் நண்பனுமல்ல
சுயநலங்கள் சுமந்து
நம்பிக்கையை மறந்து
உள்ளத்தால் உதவ
மறுப்பவர் எல்லாம்
இங்கே மனிதனுமல்ல
முதலில்
சுயநலங்களில்லா அன்பு கொள்ள முன் வரட்டும்
பொய்களில்லா உண்மை பேச முன் வரட்டும்
பின் நண்பனெனலாம்
பின் நம்பிக்கைகொள்ளலாம்.
பொருள் ::::::
தந்தையானாலும்,தாயுமானாலும்,நண்பனானாலும்,உறவுகளானாலும் அடுத்தவர் உணர்வுகளுக்கும்,எண்ணங்களுக்கும் மதிப்பு கொடுக்காதவர் முதலில் மனிதன் என்ற நிலையில் இருந்து கீழே உள்ளவர் தான்.
கருத்துகள் இல்லை:
கருத்துரையிடுக